ՍԵՐ

Ներիր ինձ, իմ աշակերտական,

Չգուրգուրված, չհամբուրված,

Սեր` երազանքների քողով պարուրված,

Դու իմ առաջին, չհպված:

Ներիր:

Այսպես պատահեց` միայն

մեկն էր իմ ուղին:

Անվերջանալի մի պահի

Դպրոցական պայուսակս ես զենքով փոխեցի:

Համբուրեցի մորս,

քեզ չհասցրի:

Հեռացա` գեղեցիկ հյուսդ հիշելով,

Այն անզուգական բույրը,

Որ վայելում էի թաքուն` նստած վերջին նստարանին:

Սեր իմ,

Առաջին, կուսական,

Մի լար, խնդրում եմ:

Ապրիր բոլորիս համար:

Որդիներ ծնիր` մեզ հաջորդող:

Եվ վերջինը…

Գրկիր մորս,

Թե կարող ես` սփոփիր:

Մնաս բարով,

Իմ երազանք,

Չհամբուրված, չգրկված,

Այս ահարկու պատերազմի հերոսներն եք դու ու մայրս:

Զոհվում եմ`

Շնորհակալ լինելով ձեզ:

Բոլոր հերոսների հիշատակին, որոնք մնացին հավերժ  19:

Խոնարհումս նրանց մայրերի տառապանքների առաջ:

թարգմանեց՝  Գոհար Աբուեան